PA

- Voi ser pa.
Fue la primera frase que-y salió a Sabel, nel cuadru del chat del facebook.
-¿que vas ser qué? dexate de toscaes anda.
- Que si, llevo 6 meses con una moza.
Ella volvió a lleer l'entamu la conversación. Nun lo podía creer, esa pallabra recorría-y les vidayes y nun yera quien a parar de pensar nello. Tenía el pulsu a mil. Pero Colás siguía escribiendo-y.
- Necesito ayuda
nun se que facer, nun ye plan pa abandonala
¿que facemos con 25 años, sin trabayu y con un guah.e?

Sabel siguía cola misma pallabra metía nes vidayes, pa. Esa pallabra de dos lletres, pero que entraña tanto. Nun yera capaz a contesta-y a esi mozu que conocía dende que entamaron el colexu, los dos mesmos escolinos que compartíen aquella mesa añu tras añu.

¿Qué podía deci-y ella?, quiciabes dexala si ye lo que quies, pero camentaba que él nun yera capaz a facelo. Siguií con ella, algo que quiciabes lu diba facer un desdichau tola vida, quiciabes nun yera lo meyor pa él. Al final llogró contesta-y:
- Tú tas seguru de lo que me tas diciendo.
- Home ayer reñimos y xusto cuando ya marchaba dixome unes pallabres mui certeres. Que sepas que na rellación ya nun somos dos, somos dos y mediu. Tome-ylo a risa, pero pa mi que va ser cierto. Y güei nun paro de recordar lo que me dixo.
- A ver, seamos razonables, eso fue en un momentu de cabreu, ye lo normal, pa retenete xunto a ella.

Nesi momentu el paxarín del whatsApp de Sabel suena, dientro del grupo de clas alguien pon la foto de la prueba d'embarazu y la moza, y una frase vamos ser papis. Cayo-y l'alma a los pies, ¿cómo podía ser eso verdá?
- ¿Viste la foto?- entrugó ella
- Sí, ¿agora creesme?
- Si ella quier tenelu, asina va ser. Quieras tú o non
- Home yo voi faceme cargu dle guah.e o lo que venga, pero nun quiero tar más al llau d'ella.
-Eso teneis que falalo ente vosotros, yo nun puedo facer na.

Nun acababa de escribir esto cuando suena el timbre la puerte. Ellí taba él, Colás. Les llárimes que-y resbalaben peles mexelles facien ver que nun taba mui bien nesi momentu. Invitolu a pasar y mientres que-y preparaba una tila, él conto-y too lo que tres tantos años compartiendo pupitre nun-y dixere. Fueron xuntos al salón y continuaron esa conversación, nel sofá, tapaos cola manta.Al final y por tol cansanciu que arrastraba él durmiose cola cabeza apoyada nel costazu de Sabel. Aparto-y el pelo dio-y un besu na frente mientres-y dicía, nun puedo ayudate, yo quierote.

EL GUAH.E

         Namorástila. Pa eso yeres el gallu la quintana, Colás el de Telva. Dexabes-y enantes de entrar nel to turnu na mina una flor que robabes na güerta de Xuanón. Pero pa rosa temprana, Rosina la de Pachu. Fasta que t’atrevisti a pedíi relaciones dexabes la flor na ventana, pegabes-y un xiblíu. Ella asomábase tres los cristales del so cuartu y sospiraba mentantes tú siguies el to camín dempués de tira-y un besu que ella garraba cola mano pa que nun se-y escapare esnalando.

            Pocos meses dempués fue la pidida, los padres de ella nun taben mui d’alcuerdu, echáronlo too pa tras. Rosina lloraba y decía-yos:

-          Mineru lu quiero madre, argullosa me sentiría de tener un mariu mineru. Aunque tenga que llevar sustos, curai les mancaures, remendar los fatos y llavar. Prepara-y el bocadillu colo poco que tengamos en casa y quédame rezando pa que nun pase na.

La fía ablando-yos el corazón, viendo los padres lo que yos decía, lo desmeyorada que taba por nun comer y nun facía más que esmormiellar.

Llegó la boda entamabeis xuntos una nueva vida, llena de amor y de ciñu. La vuestra lluna de miel convirtiose poco a poco en una lluna de hiel.

La nueche de bodes Rosina descubrió que nun ye oro too lo que relluz. Y que Colás nun yera más que un santu baxau del cielu a pataes. Que diba ser un tiranu de esos de ordeno y mando. La nueche de bodes pasola Rosina llorando y escomencipiaba a marchitase, esa Rosina que tanto-yos costó a los sos padres facela medrar con ciñu y regala con bonos conseyos. Esa nueche nun sufrió más que gritos ya insultos de aquel mineru borrachuzu que intentó forzala y consiguiolo.

Colás siguió trabayando na mina, baxando too los dies na xaula, poníase a picar en la peor galería que había, baxaba poles rampes sin mieu a nada. Pero na mina nun yera tan gafu como yera en casa, na mina yera el bobón, aguantaba toes les bromes de los compañeros y les riñes del vixilante, nun sedría la primera vegada que y roben el bocadillu o cambia lo de dientro por coses nun agradables. Nun yera la primer vegada tampoco que se quedaba a trabayar más tiempo del necesariu o que volvia sin ropa o sin zapatos porque-y lo escondíen.

Ella de cara al públicu yera la muyer perfecta, siempre cuidando de él y mirando pol so bien. Pero de puertes pa diento lloraba amargada, tolos díes recibía la paliza rutinaria cuando el venía borrachu. Echaba al guah.e de casa, mandábalu a cualesquier recau pa que nun viere nin sintiere lo que pasaba.

Colás yera mui zorru, él daba onde nun se viera, onde ella pudiera tapar les sos feries y si alguna vegada se pasaba, ella tenía que dicir que callere por la escalera.

Ella en casa esperaba el día que ocurriere la buena noticia:

-          El to marido Colás quedó atrapau nun derrabe cuando taben entamando a picar en una galería. Cayó un poste. Ellí quedó zarráu y morrió.

La alegría de cara al públicu nun la diba a mostrar, por fín volvolvería a ser llibre, ella y el so fiu diben poder vivir tranquilos, sin reñer, sin gritos, sin problemas pa llegar a fin de mes por habelo gastao too en vino nel chigre.

Esa noticia nun llegó, sinon que fue al revés. Él llogró matala aunque nun quería desfacese d’ella. El problema fue que esi día el guah.e tenía al rodiu de 16 años y ya conocía el percal que teníen en casa devolvió-yla al pá clavo-y la navalla a so pa varies vegaes. Una por cada gritu que recibieron cuando nun debíen, otra por cada ostia recibida a destiempo, por cada día que pasaben fame… Dempués desapaeció, fue atopau nel monte como un fugau. El mesmu que confesó lo que ficiere y ye el que vos escribe estes pallabres dende la cárcel de Llaviana.

Ramón. 

ALMA Y VIDA.

    Esa Alma que dende la infancia suañaba con ser llibre y facer lo que-y prestare, taba ellí, sentada nel bancu, guetando la solución nun papel blancu. El mesmu papelucu arrugáu y dobláu milenta vegaes que portaba too los díes, a la mesma hora, les cinco de la tarde. Al mesmu sitiu, el bancu'l parque.

    Pablo observábala mientres xugaba al fútbol. Él yera el guah.e perfectu, ella yera na mas que la que daba la vida a la clas.

    Mientres él llevaba tolos dieces en clas y les felicitaciones de los maestros, ella lluchaba por nun suspender esa asignatura que siempres se-y resistía. Mentanto Pablo yera el fíu que toa ma quisiere deseyar, yera bonu, obediente, responsable, ordenáu... Ella yera nomá en su casa como esi pequeñu demoniu que naciere tres d'esi anxelín, ante el que yera comparada cada vegada que se movía. Alma yera esa fía un poco torcia, desobediente, nun pensaba ni lo que facía ni lo que decía, desordenada... en poques pallabres, un trastu.

    Alma miraba el papel blancu, Pablo mirábala a ella y día a día, adulces, seliquino, notaba daqué raro que lu facía alexase de la pelota y acercase hasta ella. Un día entrugo-y.

    - ¿Qué faes aquí a estes hores, siempre sóla y mirando esi papel?, ¿qué busques?
 
    - La mio vida.

    Esa rempuesta furó dientro d'él como si una bala y hubiese trespasáu'l pechu. Coló pa casa rumiando la rempuesta.

    Al día siguiente too se repetía, la mesma hora, el mesmu sitiu, pero non les mesmes aiciones.

    Pablo dexó de xugar al balón y sentose nel bancu al llau d'Alma, sin que nenguno abriere la boca durante una selmana entera. Hasta qu'Alma ya cansada d'esta situación entrugó.

    -¿por qué me copies?

    - Porque nun te entiendo.

    Alma quedó paralizada y entamó a comentar que les coses que facía ella quiciabes si yeren un poco rares, o non porque buscar la vida nun papel blancu...

    Empecipió a explica-y too lo que-y pasaba a ella y a esi papelucu balancu. Que-y lu diere su
 guelu la mañana del día qeu morriere, diciendo-y les siguientes pallabres:

     "Cada día escribe nesti papel toos los tos problemes primero, dempués too los errores que cometiste nesi día, piénsalo bien munches vegaes facemos coses males pa nos o pa los demaás sin danos cuenta. Y pa finar too lo bueno que ficisti esi día.

    Dende onde me encuentre taré yo ayudándote nos problemes, aconseyándote ante too los malos actos y felicitándote poles coses buenes que faes.

    Pero que nun se te escaezca una cosa, has de facelo siempres a llapiz porque los problemes solucionense y vanse, los errores emniédense y bórrense. Y aunque la bondá debe continuar, escaezse y desapaez."

    En esi momentu Alma saca un llapiz piquiñin y tou mordíu del bolsu y una goma rota en dos cachos.

    - ¿Entiéndesme agora?

    Pablo quedó en silenciu y dempués de pensar un cachín dixo:

    - ¿Y que problema tienes?

    - Que nunca puedo llegar al final. Problemes tengo a millares, erroes a montones, pero coses buenes nengua.Entonces decidí nun facer el encargu hasta el día que pueda facelu completu.

    Pablo contesto-y:

    - ¿Y si lo facemos xuntos? Puedo ayudate a pensalo si quies. Güei ficístenos reir en clas, a Xana ayudástela colos deberes y a Mario consolástelu cuando lloraba porque naide quería xugar con él. Pero lo meyor de too ye que llograsti que xugara al fútbol con nosotros. Los errores tienes que pensalos tú sola y problemes tendrás como tenemos toos.

    Dende esi día Pablo dexaba de xugar cinco o diez menutos al balón pa compartilos con Alma y qu'ella pudiere facer el encargu diariu que tenía.

    Asina fundose una amistá de les que duren pa siempres y ye'l día de güei que nun se ven por vivir en sitios diferentes, les sos mentes vuelven al mesmu sitiu, a la mesma hora y ayúdense.

    Parque San Francisco, cinco de la tarde.



 

XENTE QUE TE MARCA.

Fue velu abrir la puerta y quedame prendada de la Singularidá que lu caracteriza. Al escuchalu falar muéstrame una inmensa Catedral de conocimientu y esperiencia que me tien L'alma robada, como los sos testos.

La personalidá de la bona xente nun se forma solo colos años, sinón que se forma col entornu que mos rodea. Por eso me prestaría recorrer Toles siendes que caleyó de guah.e al so llau y entruga-y si nunca pensare nun Corte de pelo.

Porque tien parte de la Culpa de que yo llea n'asturianu y ye colos sos testos colos que encuentro la Lluz nos momentos febles de la mio vida.

Porque unos son Contadores de lluz y otros queremos recorrer la distancia que nos separa de les estrelles. O topar la serenidá nesos güeyos claros cuando mos tiembla la voz como si tuviéremos a la deriva nun mar bravíu.

Busco el testu del llápiz y alcuérdome d'esos momentos vivíos en compañía de la meyor xente que pudiere encontrar, esa felicidá al escuchar el testu nun momentu con grandes nervios y dicime tu pues con esto ta chupao. Ver que los carbayones tovía sobrevivimos nesti mundu de 2ª B y que cada vegada vamos aumentando.

Ye una d'eses persones que te marca sin saber por qué, pero que t'allegres que haya compartío contigo uno de los momentos más felices de la to vida.