Un trabayu pa clas (expresiones idiomátiques)

    De xuru que güei diba ser el mio día de suerte.
 
    Taba tirada a la llonga dempués de venir de clase. A cachos nun yera a quien a soportar cuando la cabeza me diba al debalu y el mio corazón al aldu, sabía lo que quería pero nun yera capaz a llogralo.

    A pasos de xigante desapaecíes de la mio cabeza, pero'l tic-tac del mio corazón diba a tatás, cada mentira y sorrisa falsa que me llanzabes fue creía de pe a pa.

    Salí albentestste, porque paecíame que veníes allalantre, pero nun yeres tu, sinon la bisarma que me perseguía a medies cada vegada que pensaba en ti. nunca pudi tar a los mios deleres, el to recuerdu matábame y consumíame. Eso ye lo que me manca, que apezas cuando nun te necesito y cuando quiero que vengas dasme llargues hasta'l otru día.

    Porque nel cuellu tuyu viaxé en tantos sueños, disfrutaba con esos cuentiquinos que me contabes a la oreya, a trompicones consiguisti qu'entamara a caminar. Y cabo la mar descubrístime'l mundu.

    Agora cuerro a galmiaes pa que desapaezcas de la mio cabeza. Al altu la lleva grito y a palpu nun llogro topate.

    A lo postrero llogro desapaecer del mundu, eses pastielles nun taben tan a desmano como pensaben.

El branu 2013 fue lo máximo, el 2014 va ser meyor.

            

            Esta entrada llega polos nervios de los nuevos cursos de branu que ya salieron, cursos que me ficieron deprender que n'esta llocura del asturiano nun tas sola y que la llocura ye compartía con xente INCREIBLE. 

            Que me llamen branu o UABRA el martes que entamamos a clas los collacios, pasable. Aunque la verdá nun se por qué pue ser,¿por dir a clas cola maleta que lo trae, por tratar d'escribir n’asturiano nes redes sociales?. El problema son los celos de nun poder dir, que la prueben que verán como repiten.

            

             El 12 se setiembre foi el peor día de la UABRA: el PIESLLE.Nun ye porque nun lo pasara bien colos que fueron y nun echara de menos a los que non fueron. Sinon porque esibranu máxicu que pasamos en Cangas fínase.

            Ya nun volveré a despertar temprano pa duchame y baxar a lleer o facer gramática al bancu mariellu, mentanto los profesores van y vienen de correr o de andar. Desayunar esi café que nun me espabilaba, llavar los dientes, garrar la maleta y pa clas.

          

              Siempre entamábemos con Ana Cano y la gramática (los caberos díes venía Moncho), deprendimos muncho.

            

         Había más profesores como la de historia (menos mal que sólo fueron dos díes). Moncho, pa llingua y sociedá, hai que bon paisano ye y lo que se preocupaba por nos y por los mios ñervios pre-esame (lo que nun sabe foi lo que me pasó pela mañana dempues de desayunar). Roberto pa cultura, creyo que nun hubiesen topao a unu meyor pa impartir esa asignatura, lo que me prestaben les sos clases y lo que aprendí nun lo sabe nadie. Dempués de enterame que ye escritor, toi a la espera de tener tiempu pa leer. 

            Agora voi falar de los tres meyores profesores de la UABRA, esos con los que se rompe la relación profesor-alumno, pa ser ocho collacios en clas.

            Pa situaciones comunicatives orales teníemos a PABLO TEXÓN CASTAÑÓN, unu de los escritores que descubrí na UABRA que mos ayudaba en too lo que podía (a min correxíame les faltes de exercicios que nun yeren pa él), falábemos de lo que pintase o tocare, el casu yera falar, él siempre tenía algo preparao. Falar d’una foto, ser un personaxe famosu y que los compañeros te entrevisten (Villa), facer un programa de radio (les anuncies) e incluso una esposición oral. Gracies por too y sobre to po la serenidá que me disti cuando se me quebraba la voz al falar de la güelina. Los toos llibros son d’algo que guardaré toa la vida. Pablo ye Pablo, ye un grande, un carbayón inigualable y sobre too una gran persona. Nun se si fue Martino el que nos dixo que habies escrito tu les lletres del discu de Alfredo González y yo fui a mercalu, pa intentar conseguir la to firma, los llibros en aquella época fue imposible. Voi-y dígote: ¿Pablo firmesmelu? Contestación: Yo nun soi Alfredo González, nun te lu puedo firmar. Gracies Pablo, gracies a ti conocí al meyor profesor de praútiques que pude tener.

            Pa lliteratura, a un crack, XANDRU MARTINO RUZ, si esi que mos ponía música en clas y cancios que llevaba escuchando una vida descubrí que son poemes. Poder discutir con él sobre los testos y poemes nos que siempre-y daba la contraria. Por eso y por ser del Uvieu, tar orgullosa d’ello  y demostralo pue ser polo que suspendí lliteratura, costome recuperala eh.

            Y llueu ta el mostruo de PABLO RODRIGUEZ MEDINA, que non por nomalu l’ultimu ye el menos importante. En situaciones comunicatives escrites aburrilu, nun-y di el primer premiu de fotografía (sinon que llevó el áccesit) pero llevó un premiu meyor el del escolinau. Gastó 5 ó 6 bolígrafos pa correxime les fueyes colos exercicios. Siéntolo Pablo pero yera la primera vegada que escribia násturiano.  Y aún agora les faltes me persiguen. 

            Hai que seguir formándose y tócame dar les gracies a tolos que me corrixen testos, a toos los que m'animen a seguir alantre y a Xurde Fernández polo deprendío nes sos clases.

LA VIDA NUNCA YE FÁCIL.

    Él, elles y lo que venía. Un camión, eso fue lo que truncó les vuestres vides, lo que vos dexó sin lo que más queríeis. Tu y los tuyos salisteis alantre. Yes  portadora de suaños y curaste esa ausencia con tirites pal alma.
   
    Dende unos pequeña siempre contigo hasta agora y que seya por munchos años más. Eses nueches nes que me decíes que cuando despiertes nun llames a naide que ya toi llegando y ye verdá, gracies por tantos y tantos bonos díes.

    Como bien dicen quien bien te quier fadrate llorar. Y yo lleveles, riñes y non riñes. Nesos momentos nun lo comprendes, pero colos años entiendo que yeren necesaries, yo nunca fui lo que se diz una santa.

    Fae unos años dístenos un sustu nel que se xelaron unos díes de sópitu, gracies a Dios tobía tas con nosotros, aunque ya nun seas la mesma, seguimos queriéndote igual.

    Esos güeyinos claros muéstrenme que la vida nunca ye perfecta y qu´hai que lluchar pa conseguir lo que queremos.

    Munches vegaes imaxínome ser tu cargando tantos años, y sabes una cosa que me enternez veme así, tan similar a ti.

    Porque de los mios güelos deprendí por qué brillen les estrelles y que tengo un detrás d'elles y tamien que avieyar nun m'asusta si toi colos que me faen feliz.

    Feliz cumple güeli, quiérote.

   

Pensar enantes d'actuar.

       Siempre me pasa lo mesmo, faigo lo que nun tengo que facer. Tiro pa lante y dempués arrepiéntome. Qué si onde me metería yo, qué si nun se va poder falar con él, qué si ye perseriu y impón demasiao, que si ye un repunante, qué si yo nun toi al so nivel, qué yo nun soi más qu'una faltosa...

 Seliquino siento los sos pasos pel pasiellu, la puerta ya ta abierta, les persianes subíes y la lluz prendía. Nun tien más qu'entar y preparase pa lo que se-y bien encima.

    Siempre xusto a la hora, pero siempre cola so sonrisa,  casi siempre vistíu de negru y esbocexando. Presta cuando la situación o l'aburrimientu lu supera y dedícase a alborotar el pelo.

    La sonrisa nunca falla, la pallabra d'apoyu a cualquiera tampoco, el cariño que reparte a raudales y el tratu de tu a tu a una persona como yo, que ta deprendiendo (con tola suerte del mundo de los más grandes) nun falla. Por eso ye pa da-y les gracies y recordame a mi misma la suerte que tengo de poder compartir esos momentos (nos que nun ta seriu, porque si ye asi ya me paez que armé alguna) y que nunca más tengo que xuzgar a naide antes de conocelu.

¿Por qué elexí la meyor profesión?

    Dende guah.es entamen a entruganos ¿qué vas ser de mayor? o ¿qué quies ser de mayor?. Si me lo pregunten anguaño, yo quiero ser xubilada. Fuera bromes yo voi tener la meyor profesión que existe.

    Cuando yera pequeña ( de estatura, porque de cerebru nun fui capaz a medrar, pa algo soi Cortina) pensaba ser modelo (y los que me conoceis comprobareis que'l tipo nun me acompaña) pero eso de pasar fame...Dempués diba a ser policía (El Comisariu y series como esa siempre me prestaron) pero y si me daben un tiru... Albañil fue'l mio suañu frustrau y peluquera, pero dempues de corta-yos el pelo a les muñeques y que nun volviera a crece-yos o cansame de face-yos trences nel pelo hasta con llana decidí que so dalguna clienta se quexaba polo que-y había fecho igual yo nun yera quien a aguantala.

   Taba acabando`l bachiller cuando se me abrió esa puerta, dixeronme tu vales pa.... Y pensándolo y dempués de 4 años (ya toi a puntu finar) puedo decir tengo la profesión más guapa del mundo.

    ¿En qué profesión vas a ver crecer a la xente y esta posiblemente guarde un buen recuerdu de ti?,¿en qué profesión más que na mia van decite que tovía tienen guardá esa pulsera que-yos diste fae dos años?, ¿en qué profesión vas a recibir abrazos todos los días, te van a contar sus problemas o se van a emocionar si les felicitas su cumpleaños?, ¿en qué profesión te van a decir que pareces mayor o más pequeña de lo que yes?, ¿en qué profesión van a ser tan sinceros con los cambios de look que faigas como en la mía?, ¿en donde te van a decir sino que tortita y tortilla se diferencian en la patata, que el masculin de ma ye mu o que nun pues dir de Uvieu a Xixón en barcu porque hay que cruzar Noreña?,¿en donde más vas a peinar colas de caballo o atar cordones?, ¿en donde más vas poder explicar o contar algo con tantos güeyinos mirándote y pensando que too lo que dices ye cierto?, ¿en qué profesión más que en la mía es necesario estar al loro de lo que está de moda, o de lo que sale na tele como en Clan o Disney Chanel?, ¿dónde más vas a tener un espacio para ti y para decorar a tu gusto?, ¿dónde más vas a pasate el descansu de media hora acompañada de tanta xente?, ¿dònde vas a poder solucionar los grandes problemas con un que no se vuelva a repetir y pediros perdón?

Hai tantes y tantes coses que dempués de 4 años faenme ver que la meyor profesión ye la mía, pero no porque lo diga yo. Sinon porque tras pasar por 4 coles y deprender de xente tan interesante y tan distinta. Puedo decir que me siento feliz de poder dicir VOI SER MAESTRA.

Too entamó...

Too entamó n'aquel curso. Tras esa presentación, entamaron les clases. Ella ya taba sentada, él llegaba a clase acompañáu y sentábase non mui lloñe d'ella.

La primera clase de gramática entamaba y dos desconocíos escomencipiaben a formar parte d'algo nuevo.

Él, el típicu llistu que pasa desapercibíu, ella nun yera más qu'una faltosa (escribiendo) y que desconocía too el mundu que se-y taba poniendo ante los güeyos, un mundu del que enxamás va querer salir. Pel medio alguien que estorbaba más de lo que ayudaba.

Poco a poco, entamaron a falar y a conocese. Cuasi que teníen los mesmos gustos, y compartíen opiniones sobre les persones y coses. Ella tenía un poco más de carácter, él yera el tranquilin. Según dicen los polos opuestos atráense.

Eses comides xuntos, esa salida al teatro y alguna salida pola nueche, fueron faciendo que la amistá ente ellos fuera creciendo. Y asina el chat del facebook fue lo que suplió la distancia que los separa.

Les poques visites que se ficieron, y los momentos que vivieron xuntos fueron pocos, pero perimportantes. Lo mesmo que eses conversaciones tan llargues que cuasi siempre traten de lo mesmo, pero son necesaries pa saber qu'el olvido nun tien cabida ente ellos. Que por mui lloñe que vivan, siempre va haber daqué que los una, una afición, una persona, un momento, un detalle.

¿Sabeis de quien falo?

Fai unos años conocilu, en Tiempu d’esiliu y povisa ayeno, taba yo nun grupo teatru y entamamos a facer obres d’él. Nun ye que me dixera un paxarín que escribe perbién. Sinon que llegó a los mios oídos un Cantu de gaviotes que lo afirmaba.

Él ye un ser raru, nun ye que sólo domine el castellano y l’asturiano, sinon que ye capaz de falar Nel dialeutu del grisú. Trasládanos cola so lliteratura a Mil desiertos llugares y a Los paraísos perdíos. Gracies a él conocemos a Los Taraos. Quiciabes daquién ye capáz de merca-y L’arna de San Atanás.

Los sos personaxes son Los desconocedores del agua, bueno si quiciabes nun se llaven muncho, asina que tienen que Vivir en sin probalo. Viven Ente semeyances de Dios y del diablu.

Porque llegar a Martema ye cuasi que imposible aunque accedese pol Tapín de Picupáu, pintáu col Color de l’ausencia.

Nadie pue ponéi l’apodu “El Santu” porque ye capaz de vendete lo inesistente como un Curriverás. Asina se divierte faciendo Perreries. En so casa ya Nun blinquen les ayalgues, sinon que blinquen los premios, ya nun debe tener muncho sitiu pa ponelos. Pero que lu busque que tovia queden más por llegar.

Préstenme Les vueltes, toles vueltes que-y doi a los sos llibros pa poder entendelos afondo ya que son como Música d’amor en guerra.

Los que tamos tan llocos o más que’l somos felices y sólo me queda decir que nun somos tan raros, sinon que Ello ye too la xente que nun mos compriende. 

MA

Yera la primer vegada qu’entraba na mina. Esa cuevona negra onde munchos dexaben la vida. Tu llorabes, yo tenía malapenes 16 años y al quedar güérfanu de pá, que morriere na fuelga d’Ochobre del 34, yera lo que tocaba pa sacar la familia alantre.

En Llangréu nun había muncho qu’escoyer, o yeres mineru o buscábeste la vida. Yo que siempres fui mui echáu p’alantre consiguílo; tres reñer col vixilante, pudi entrar nel puestu de mio pa.

Tu esperábesme en casa, la estampina y la medalla de Santa Bárbola taben siempre nel bolsu del to mandil. Sabíes bien la hora na que la xaula subía a recoyeme pa baxame al infiernu y la hora que me devolvía al cielu otra vegada. Neses hores tu rezábes-y a Santa Bárbola pa que me protexera. Cuando sentíes la campana que sonaba por un compañeru, sufríes más que nenguna; cuando llegaba a casa acurrucábesme nos tos brazos y facíesme sentir un guah.e, esi guah.e que cuidabes desde que nació.

Llavábesme la ropa, siempre lo llevaba llimpio y curiosino. El mio bocadillu yera de los meyores, aunque en casa nun tuviéremos muncho pa comer.

Vivisti tola vida pendiente de min, pa ti nun mirasti nada y poco a poco fuisti consumiéndote como una vela. Yá nun andabes mui allá, de xemes en cuando la cabeza yá nun te diba bien y escomencipiabes a escaecer pallabres tan cencielles como tayuela, calcetos o ciñu.

Yo nun me daba ni cuenta de lo que te taba pasando, fui creciendo y yá nun me prestaben los abrazos nin los besos cuando volvía de la mina, mentantes tu empecipiabes a querer dámelos tolos díes y non cuando sonaba’l turullu como yá taba avezáu.

Les vecines veníen les probes a echate una mano nos llabores, tu yá nun podíes nin col alma, pero los mios güeyos nun yeren capaces d’abrise ante esa realidá y como pa mi siempres fuiste una heroína nun dibes dexar de selo.

Dalguna vegada se t’escaecía que taba la pota nel fueu y quemábase, son coses que pasen camentaba yo; otres vegaes nun t’alcordabes que nun me llavaras nin prepararas la ropa, bueno home, la edá ye lo que tien pensaba. Pero nun yera pola edá, yera pola enfermedá.

Llegó’l momento críticu, el día que nun pudi entrar en casa, esi día que me zarrasti la puerta nes narices diciéndome que nun dabes llimosna a naide, que la más necesitada que conocíes yeres tu. Nun pudi más que sentame na tenobia y escucate dende fuera pela ventan la cocina. Ehí fue onde me di cuenta de lo que te pasaba. Intenté que me dexares entrar y al fin consiguilo, llevéte al mélicu tres varies discusiones y él nun fue quien a dicime lo que te pasaba. 

Internámoste nuna residencia y allí quedasti lo poco que te quedaba de vida. De les visites que teníes nun conocíes a nadie. Solo queríes que yo tuviera al to llau. A vegaes lloraba. Tu notábeslo y buscabes la mio mano. Eso ye perguapo, consolábame, pero a la vez dolíame por nun tener fecho más por ti enantes, porque nel momentu más inesperau la to vida apagóse como’l llume del candil que va tiempu amburó.

La promesa.

    Facía siempres el mesmu recoríu. Salía de casa, subía la calle llarga que tantes vegaes recorriera de la mano con él.Y dirixíase a esa cafetería al llau del teatru onde lu conoció, la mesma mesa, el mismu pedíu: Cafe con lleche.

    Venti años faciendo lo mesmo, venti años esperando a qu'él llegare y dixera algo, vente años de la so vida perdíos.

    Pero consiguiolo, un día llegó. Esi día foi el más emocionante de la so vida. Pudo tomar el café acompañada por esi amor. Pol mesmu pol que daba la vida, pol mesmu que volvió con ella pa cumplir lo prometío, lo que prometió de la que marchaba pa Cuba. Porque él fuese, cola promesa d'aquel últimu café. Ella nagüaba por velu y fue lo que consiguió. La xente entamó a reparar n'ella, ya nun yera solo que fuera siempre a la mesma hora, sino que agora falaba sola, y entrugaba cómo fuere el viaxe, como lo pasare... Too les preguntes que se faen a la persona qu'ames cuando vuelve, dempués de muncho sin vela.

    Dempués d'un mes, ella ya nun diba pola cafetería, ya nun recorría la calle llarga, nin sola, nin acompañada. Ya nun tomaba esi cafetin con lleche. Ella ya nun yera ella, agora nun yera más qu'un montón de suaños rotos. Que siempre contaben la mesma hestoria, nel mesmu sitiu La Cadellada.

POEMA A ROSINA LA MOLATERA

Voi contabos una historia,

que pasó en La Molatera,

un pueblín mui piquiñín,

que pertenez a Blimea.

Ellí nació y se crió,

Rosina la floriquera.

Ella que de seis hermanos,

naciera la más pequeña,

cola so gorrumba atrás,

pero gran intelixencia.

Ya desde piquiñuca,

yera astuta, mui traviesa,

entamó colo del trueque,

cola so pequeña cesta.

Rellenina de floritos,

que cambiaba con destreza.

por fabes, huevos, chorizos,

a vegaes tamien panceta.

Cambiaba-ylo a les muyeres,

por cura-yos una ovella,

una fía, una cuñá,

pos yera la curandera.

La que curaba dubiesos,

almorranes, cagalera,

asina creaba fama,

Rosina La Molatera.

Rosina tuvo dos fíos,

y pariolos de soltera,

en tiempos d’aquella fame,

que mos traxo la posguerra.

Con los sos guah.es pequeños,

y sin comida siquiera,

marchaba andando a Castiella,

a pañar la carquesia.

Y en eses andadures,

gárrenla, llévenla presa,

ya cuando la detuvieron,

entrúguen-y d’onde yera.

Ella diz soi asturiana,

soi de la Cuenca Minera,

d’un pueblín mui piquiñín,

llamáu La Molatera.

Pertenez a Samartín,

Pela parte de Blimea.

Entos pónense en contactu,

col cuerpu la benemérita,

a ver si nesi cuartel,

alguien sabía d’ella.

Así entamaron a falar,

y enseguida quedó suelta,

pues el médicu Emiliamo,

dio-yos mui bona respuesta:

-Ella sinon cura, nun mata,

déxenla cola so cesta.

Páguen-y ya el tren,

Y mándenla pa la Cuenca.

Rosina siguía pa lantre,

por romeries y fiestes,

cantando, tamien tocando,

con gracia la pandereta.

Cada corro que facía,

había música completa.

Asina que poco a poco,

llenábase la so cesta,

cargaina y pela nueche,

Rosina daba la vuelta,

pa casa diba cansada,

pero que mui, mui contenta.

Ya tenía pa comer,

Hasta la próxima fiesta.

Los fíos ya se casaron,

ella vese satisfecha,

viendo crecer la familia,

too salió de la so cesta

El fíu coló pa Francia,

trabayando en lo que fuera,

añu tras añu llegó,

a formar su propia empresa.

Esti que tuvo seis fíos,

y que estudiaron carrera,

los seis tan mui argullosos,

cuando vienen a Blimea,

y dicen que son los nietos,

de Rosa La Molatera.

Así pasaron los años,

y siguen cola experiencia,

la fía entama en mercaos,

con bolses en vez de cesta.

Ya lo preparen meyor,

distínguelo’l que nun sepa,

too metío na bolsa

y marcao cola etiqueta.

Les plantes medicinales,

Conocida ya la so ciencia,

Son vendíes en to Asturies,

pola fía y pola nieta.

Ya son tres xeneraciones,

que tienen esa experiencia.

Murió con 96 años,

cola fía y cola nieta,

cuidá con amor y ciñu,

como si fore una reina.

Tamos nel 2013,

vemos en falta su ausencia,

pero quedamos equí,

ventiseis de descendencia.

                        Kinita Fombella Rodriguez (porfolio fiestes Blimea 2010),intentu de  torna al asturiano por Alicia Cortina Dávila (2013)